|
Gavemo parecià un modèƚo de órdene formato ".doc" (de Word 97/2000/XP) che te podarà doparar in cualsesipia editor de tèsto (Microsoft Word, Kingsoft Writer -gratis-, Open Office Writer -gratis- ect.) se te vol ordenar formati, cuantità e incuadradure difarente de ƚe to someje so carta chìmica.
Download / Descarga cuà
(clik drèto e "salva co' nòme" o "salva destinasion cofà..." par descargar)
Pochi secondi par pochi pasi:
-
Desernisi el tipo de carta (lustro/opaco)
-
par ògni file-fotograma scrivi el n° (o nòme de'l file), el formato e ƚa cuantità che te vol
-
(optional) scrivi se te vol incuadradure o altre indicasion particoƚare
-
salva el modèƚo inte ƚa cartèƚa co' i to fotogrami da stanpar
Se te vol sparagnar tenpo, par órdeni pì elementari, te pol scrìvar insima "lucido - tutto in formato 13X19" e spesifegar ƚa cuantità in riga, o "tutte 2 copie 12X18 opaco", o calcòsa de sto segnato, invese de scrivar el formato/cuantità ògni vòlta. Se canbia formati e/o cuantità te gà da scrìvarlo riga par riga. Mancando ƚa cuantità se stanparà 1 còpia par fotograma.
Se te vol stanpar i stesi fotogrami (o fotogrami difarenti) in lustro e opaco, dòpara 2 modèƚi.
Se no te ocor spesifegar formato, cuantità e incuadradure, no te ocor doparar un modèƚo de órdene. Órdena soliamente "tuto 10X15, lustro, 1 còpia", anca a voxe.
El costo de gestion órdene el xé in baxe a ògni formato, nò a modèƚo de órdene. Inte 'l somexo che te vedi soto ghe xé 3 formati, ghe sarà 3 gestion órdeni (10X15, 20X25, 13X19).
|
