* Sto post NO 'L XÉ sponsorixà
Co' i ùltimi diexe ani de fadighe in fotoritoco, gavemo fruà naltra tavèƚa gràfega e ne gà tocà canbiarla. Ghemo desernìo XP-PEN, a'l paso co' i ùltimi bàgoƚi Hi-Tech, e no ghe xé da pentirse. Gninte de costoxo, ansi, ma de prestasion profesionaƚe pròpie, par un inpiego in fotoritoco.
Ƚa pena ƚa funsiona otimamente sensa baterìa, sensìbiƚe e precixa co' i so 8192 grai de presion. Na rodèƚa/pad senpre soto man ƚa fà sparagnar tenpo (e schèi) durante i zoom e rotasion de'l cuadro. El modèƚo "Pro S" el xé òtimo par gestir i 2 monitor afiancài; se un artista invense el gà da bexon de móver el braso, mèjo che el vaga so'l mod. "Pro M". Sarà senpre pì contenti i ns. clienti che da 30 ani i ne dà da far fotoritochi e ricostrusion (doparemo Photoshop da ben prima che existese màchine digitaƚe e smartphone! Semo drio anca testar -in pràtica xà in produsion da nialtri- ƚa version sperimental de Photoshop co' "inteƚigensa artificial"...): i costi de ste lavorasion i xé caƚài mediamente de'l 75% (forse pì che manco) grasie a investimenti in hardware e software senpre pì potente.
Chi che el xé interesà (artista o profesionista) el vaga seren a far shopping, el me giudisio: poca spexa, tanta rexa.
XP-Pen Deco Pro
