24 xen 2013 M.V. 
Sò stà offline par divèrso tenpo, inpegnà in sentomiƚe altre fature (che podemo tradùxerghe a i italòfoni presapoco co' "faccende").

Co' i ùltimi axornamenti a'l sito internet spèro de 'ver portà a conpimento ƚa misgrasion de tuto el material so pàxine dinàmiche cusì pòso gestirle on line sensa programar ñanca na riga. Tuto sto tenicaƚismo par prodùxer de pì e mèjo, anca se, come che se vede, tenpo so'l web ghe ne paso pocheto...

Se me decido, sta primavèra trasferiso el sito so un server pì potente...

Inte 'l fratenpo i investimenti in inpreste de riprexa no i se ferma par càuxa ƚa c.d. e sbandierada "crixi"*, ansi, ghe xé novità potente. Ma no gò tenpo de axornar ƚa pàxena "equipment".

 

* Se pol far fenir ƚa "crixi", che no ƚa gà gninte da che védar co' ƚa conomìa, in 4-e-4-8, cioè faxendo el contrario de 'l 48; fòrmoƚa nòta anca come Contrarevoƚusion.