Home page
Mobile version
Caene News Blog
Map/Mapa
Portfolio
Photo/Foto
  Fototessera
  Proofs/Provini
  Wedding photog
  Stampa da casa
  Courses/Corsi
  Login: proofing
  Login: upload
  Login: courses
  Login: B2B
  + More
Framing/Soaxerìa
  Puzzle
  + More
How-to
Gioca gratis
Contact/Contato
Go Social!
Util/Download
Pay here/Paga

Advanced search


Vendita puzzle 1000 2000 4000 5000+ Castorland Trefl Cobble Hill

Italiano | Româna | English
Google translation

El puzzle, sano divertimento, elemento de arèdo

 

Nato 'fà pasatenpo , el se gà fato vaƚer co'l tenpo: no'l xé nòma che divertente par tuta ƚa fameja, ma el juta ƚa concentrasion, el alena ƚa memòria, el rafina ƚa percesion vixiva, ƚa lògica, ƚa capasità organexadiva, el insegna pasensia e perseveransa, el fà intrar in contato co' òpare de arte, el espande ƚa cultura, el juta a tirar suxo i cèi, el desdòƚa i grandi, el xé na idèa regaƚo senpre indovinada, el deventa un presioxo elemento de aredamento e, pì inportante de tuto, el tien distante da ƚa TV.

 

Asortimento

No ocor andar in vòlta par boteghe, e manco che manco par i super-iper marcà, indove che no se cata un tubo. Ghe xé un sortimento vastìsimo darente caxa tua. Òpare de arte, paexagi, personagi, mape antighe, ilustrasion de ensiclopedìe, cartoni, fumeti, fantasy e tanto altro. Seƚesionài, risercài, introvàbiƚi. Co' tuti i tòchi che te vol, 500, 1000, 2000, 4000 e oltre, da 20 sentìmetri a 5 mètri e setanta de larghesa, co' tòchi normaƚi, cèi o extra large, retangoƚari, cuadrati, formato panorama, oval, tondo o puzzle-forma, fluoresenti, superfice efèto ƚegno, veƚudo, suro. Tuto da ƚa A a ƚa Z, consuƚensa, servisi e acesòri par montar e incoƚar, cuà no te cati nòma che na botega de véndita, ma màsime de tuto un laboratòrio de soaxe so mexura.

Ƚa manièra pì divertente par aredar ƚa caxa co' tanta sodisfasion e poca spexa. Da nialtri 20-50% in manco che da altre parte, cofà par tuto cuel che 'l vien fora da 'l nòstro  laboratorio soaxe, de cui consideremo sto prodoto de supòrto na parte integrante. Co te cronpi un puzzle da nialtri te gà deƚongo un buono sconto so 'l órdene de na soaxa par puzzle (da 3€ a 30-40€ di vaƚor, xontà a 'l sparagno xà efetivo prima de l'aplicasion de 'l buono sconto). 

 

Órdena et to sogèto

Se no te cati el to sojèto preferìo semo boni de catarlo fra i mèjo produtori a'l prèso pì conveniente.
Se no 'l existe pròpio fra i prodoti de ƚe mèjo marche (Pomegranate, Master Pieces, Ravensburger, Castorland, Trefl...) podemo stanpar un foto-puzzle co' un sojèto cualsesipia, a partir da cualsesipia orixenal, file digital, stanpa, negadivo, fòto-trasparente, cuadro, locandina, dixegno... (se no te sì el propietario de 'l orixenal tiente inamente che mijère e mijère de de òpare ƚe xé inte 'l pùblico dominio, sensa diriti de autor, e te pol dopararle come che te piaxe mèjo).

Ƚe mèjo marche

In véndita puzzle de Castorland, Clementoni, Cobble Hill, Perre-Anatolian, Piatnik, Ravensburger, Schmidt, SunsOut, Trefl, Jumbo, Gibson, Heye, Educa Borras, White Mountain, ƚe favoƚoxe òpare de arte de Pomegranate... el mèjo che ghe xé, seƚesionà co' cura. Cuaƚità controƚada, e asistensa post véndita par el ricùpero de tòchi mancanti. Cartoni stàbiƚi, scuaradura e incastri parfèti. Ƚe marche mèjo ƚe dòpara cartoni densi blè da .07'' risiclàbiƚe a 'l 100%, seguro, non tòsego e stanpà co' ingiòstri a baxe vegetal. A norma europèa o USA.

         

 

Incorniciatura

 
Fà deventar el to puzzle un ogèto de aredamento rafinà. Da i montaxi pì sénplici a òpare da espoxision rafinadìsima, co' passepartout, fondi ixoƚanti, panèƚi rìgidi, distansiadori, montaxi "a caseta" ect...

prèsi inbatìbiƚi. Vedi cuà come far.

Vusto far da to pòsta? Sì, ma...
No sta incoƚar el to puzzle so cartoni o altri materiaƚi inpròpi. Domàndeghe a 'l to soaxèr come che se fà.
Che dimension?
No sta far el eror de fidarte de ƚe mexure che te vedi scrite so ƚa scàtoƚa, che ƚe xé riferìe a ƚe dimension de 'l carton prima de 'l tajo de i tòchi de 'l puzzle. El puzzle costruìo da i tòchi tajài al sarà pì grando. Se gà da far ƚa soaxa so mexura dòpo che se gà fato el puzzle.

Òcio a ƚa scuaradura
Puzzle de dimension granda (5000+) i tende, càuxa el lasco fra i tòchi, a pèrdar ƚa scuaradura. No sta incoƚarli se no te sì seguro.

Incoƚar un puzzle

Vusto el puzzle pronto presto e ben? Podemo incoƚarlo anca nialtri co te ƚo pòrti a insoaxar. Doparando na puzzle board, te pol trasportarlo sensa problèmi, anca sensa incoƚarlo in caxa. Se te piaxe mèjo incoƚarlo ti da to pòsta, gavemo tuto cuel che senghe vol in prota véndita.

 

Accesòri


Còƚa par puzzle, ròdoƚi, puzzle board, scomparti per desernir i tòchi.
 
 

     

 

 

El to progèto maxengo

Gasto decixo de butarte inte un progèto ùnico, de dimension inpegnadive?
- Exenpio: 6000 tòchi, 83 X 235 cm...
Desernisi el sogèto, nialtri te demo el puzzle, co' un panèƚo de dimension e caraterìsteghe pròpie da 'l nòstro laboratòrio de soaxerìa. Et ghe vol par laorarghe sora (na puzzle board no ƚa basta, inte sti caxi) e in ùltima podaremo dopararlo cofà supòrto par ƚa soaxa.
Ti te gà soƚo che da métar a despoxision na "saƚa puzzle" indove laorar, e tegnir fora el gato.

 

El to puzzle on line cuà, xoga gratis!



 

 

Ricùpero tòchi mancanti
Xé scuaxi inposìbiƚe che manche tòchi da na confesion orixenal de produtori "de marca", forse un caxo so diexemiƚe, ma ƚa posibiƚità de pèrdarli purmasa ƚa xé pì frecuente.
No sta pèrdar tòchi! Dòpara na bona Puzzle Board. Ricuperar i tòchi costa schèi.
I produtori mèjo, Schmidt, Ravensburger, Clementoni i gà un servisio organexà par el ricùpero (Schmidt nòma che in Germania). Royal Jumbo ƚa gà eliminà el servisio, ma par cuesta e tute cheƚaltre marche se pol tentar de ricuperar i tòchi da nialtri (consèrva ƚa prova de acuisto A-foto.net). Ƚe posibiƚità ƚe dipende da 'l sogèto, se in listin/magaxen o nò, o da cuanto tenpo fora magaxen. A ògni mòdo consèrva senpre ƚa prova de acuisto A-foto.net, parecia na someja ben definìa de ƚa porsion de'l puzzle co 'l tòco mancante, no sta butar via ƚa scàtoƚa co'l barcode, e consèrva ƚa prova de acuisto A-foto.net (forse ƚo ghemo xà dito).


Difèti de fàbrica
I difèti de fàbrica (stanpa fora rejistro, tajo baƚengo..) i xé senpre posìbiƚi anca se par ƚe mèjo marche i xé racuanto rari. A ògni mòdo i puzzle co' difèti i vien sostituìi in 7-15 xorni, consèrva ƚa pròva de acuisto A-foto.net e ƚa scàtoƚa orixenal.

 

Ritiro/consegna a domicilio
No ocor andar in vòlta par boteghe, e manco che manco par super-ipermarcài indove che no se cata un tubo, no sèrve a gnite cronpar on line, se cata de tuto e de pì sì, ma no 'l costa manco. I nòstri clienti i riva da Venèsia, Mestre, Marghera, Spinea, Chirignago, Favaro, Oriago, Mira, Dolo, Miran, Marteƚago, Marcon, Salsan, Mojan (vedi come)... ma anca da 30Km e pasa de distansa: San Donà, Trevixo, Portogruaro, Padova, Jesoƚo, Cioxa, Castelfranco... Tuti i pasa par ƚa Tangensial de Mèstre inanso o dapò. Par laorasion de insoaxadura de dimension inportante (come che pol èsar par i foto puzzle, puzzle, poster, stanpe so teƚa ect...) ghe xé el servisio de ritiro e consegna a domicilio in xòna (nò spedision) a costi popoƚari.