Home page
Mobile version
Caene News Blog
Map/Mapa
Portfolio
Photo/Foto
  Fototessera
  Proofs/Provini
  Wedding photog
  Stampa da casa
  Courses/Corsi
  Login: proofing
  Login: upload
  Login: courses
  Login: B2B
  + More
Framing/Soaxerìa
  Puzzle
  + More
How-to
Gioca gratis
Contact/Contato
Go Social!
Util/Download
Pay here/Paga

Advanced search

Version mobile


Macro amenità

Che profondità de canpo ghe xéƚo co' un macro da 90mm a mìnima distansa, "tuto vèrto"?
 

Tamron 90mm f2.5 @f2.5, manual focus, Speed Booster X0.71 (135mm f1.8 equivalent on M4/3), aperture priority, auto WB (artificial light), 800ISO, Panasonic GH4.
Prima de tuto el jpg "sù e via" fora de ƚa màchina:

 

El steso scato RAW "sviƚupà" in ACR:

Ƚa cuaƚità de 'l fora fogo (c.d. "bokeh") ƚa xé un fià "ruspia", ma xé normal par i obietivi macro. Paraltro, a mèdia distansa sto ob. el gà un fora fogo fiabesco, faxéndoghene un òtimo ob. da ritrato.

Istrusion a gratis da Artigiana Foto: come regoƚarse a distansa mìnima, cioè a 'l màsimo ingrandimento, metendo a fogo un ponto precixo a man lìbara e sensa autofocus? Nialtri che no ne piaxe tanto i strafanti come tèste micromàtriche co' pomèƚi de mesa a fogo ect... ne basta andar invanti e indrìo co' ƚa màchina, invense che girar ƚa ghiera de mesa a fogo. Ƚa macro-fòto anpò (ricreadiva o lucroxa che ƚa sipia) se ƚa fà metendo a fogo senpre a man.

 

El sferocromatismo evidente (magenta davanti el ponto de fogo e verde dadrìo) el ne mostra che el fogo el xèra presapoco so'l "bonìgoƚo" de 'l 3 de ƚa scrita "3ATM", come previsto:

Aberasion corexesta in ACR:
 

In definitiva; ƚa profondità de canpo ƚa xé presapoco de 1.5mm, laorando so sti formati de riprexa (intorno a 18X24mm, cioè M4/3 + Speed Booster). Ghe xé fòrmoƚe matemàtiche par ricavarla, ma chi ghe ne gaƚo mai doparà una? A f22, vertaura cui se dòpara normalmente sti ob. macro, i sarìa stài 1.5cm, diexe vòlte tanto. E se se gavese voƚesto aver a fogo oncora de pì? Na vòlta faxévimo tirando xoxo da banco òtico e inclinando ƚa lente par canbiar ƚa geometrìa fra pian de fogo e pian de 'l film; ancùo se pol far fotografando co' na màchina cualsesipia e ƚa tènica de 'l "focus stitching", ma cuesto no risponde a ƚa curioxità da caxaƚinghe premesa de sto artìcoƚo.